Лига на Шампиони Рафаел ван дер Варт вели дека го добил противникот што го посакувал откако ждрепката во Нион ги спои Реал Мадрид и Тотенхем во четврт-финалето од ЛШ

Холандскиот интернационалец пристигна во Тотенхем во последниот ден од летниот трансфер период токму од редовите на Реал Мадрид.
На 5ти април, Ван дер Варт ќе се врати на Сантијаго Бернабеу за првата средба од четврт-финалето во Лигата на Шампионите и плејмејкерот со нетрпение го чека гостувањето во главниот град на Шпанија.

“Бев среќен со ждрепката.” – рече Ван дер Варт. “Се надевав дека токму Реал ќе биде нашиот противник бидејќи ќе биде фантастично да се вратам во Мадрид.”

“Имам многу пријатели таму и ќе биде одлично тоа што ќе ги видам повторно.”

“Не очекува голем натпревар, добро е за нас што првиот натпревар го играме на гости, па среќен сум.”

“Според мене, Реал Мадрид е најголемиот клуб во светот. Секако, во моментов Барселона е најдобриот тим во светот но можете да ја почувствувате историјата и тоа колку голем е еден клуб кога ќе пристигнете на неговиот стадион.”

“Сантијаго Бернабеу е фантастичен. Теренот е одличен, стадионот собира 90 000 фанови и фантастично е чувството да се игра таму.”

“Таму играв две години и поминав добро време, па сон е враќањето таму.”

Ван дер Варт исто така верува дека Спарс имаат своите шанси во дуелот со Кралскиот клуб.

“Немаме притсиок, можеме да ја играме нашата игра и сигурен сум дека имаме шанси.”

Powered by: 24 FUDBAL.com.mk