Лига на Шампиони  Андони Зубизарета вели дека Барселона ќе се фокусира само на двомечот со Шахтјор а не на можната средба со Реал Мадрид во полу-финалето од ЛШ

Спортскиот директор на Каталонците има голема почит кон Шахтјор и вели дека шампионот на Украина заслужено е во четврт-финале.
Зубизарета вели дека Барса ќе треба да ги искористи првите 90 минути и средбата на Камп Ноу во обид да обезбеди позитивен резултат кој ќе им овозможни мирно гостување во Доњецк.

“Шахтјор е добар тим, тим во подем.” – рече Зубизарета. “Тие се многу брз состав и заслужено се во четврт-финале.”

“Ова ни донесе денешната ждрепка па ќе треба да ги искористиме првите 90 минути на домашен терен пред нашите фанови и да се обидеме да обезбедиме позитивен резултат затоа што ќе не чека незгоден натпревар во Доњецк.”

Доколку Каталонците го елиминираат Доњецк а и Реал Мадрид го елиминира Тотенхем, двата лути ривали од Ла Лига ќе имаат меѓусебна средба во полу-финалето.

“Ние мислиме само на дуелот со Шахтјор а не на (можно полу-финале против) Реал Мадрид.”

Powered by: 24 FUDBAL.com.mk