Англија Арсен Венгер ќе побара дозвола од ФА за итен ангажман на нов голман откако менаџерот на Арсенал остана без услугите на Војчех Шчезни во следните шест недели

20 годишниот Пољак, кој ја започна сезоната како трет избор за голманската позиција, заработи дислокација на прстот и оштетување на лигаментите на средбата во вторникот помеѓу Барселона и Арсенал во Лигата на Шампионите.
Поранешниот прв голман, Мануел Алмунија го замени Шчезни и искусниот Шпанец направи неколку добри интервенции но тоа не беше доволно за Арсенал да избегне пораз и елиминација.

Алмунија сега е единствениот постар голман подготвен за настап откако претходно се повреди и Лукаш Фабиански, за кого сезоната е завршена.

Вито Маноне, кој е на позајмица во Хал Сити исто така е надвор од стројот поради повреда па се очекува Арсен Венгер да побара дозвола од ФА за итен ангажман на нов голман.

“Сега ни е потребен искусен голман како резерва за Алмунија бидејќи Маноне ќе паузира шест недели и не можеме да го вратиме од позајмицата.” – рече Венгер.

“Маноне е со нас за да добива третман и нема да може да игра во следните шест недели. Имаме опција да го вратиме од Хал Сити но тој не е подготвен за настап.”

“Војчех е надвор од стројот, според мое мислење ќе паузира шест недели. Сезоната за Фабиански веќе е завршена.”

“Па потребен ни е нов голман.”

Powered by: 24 FUDBAL.com.mk