Италија Крилниот фудбалер на Јувентус, Милош Красиќ вели дека нема оправдување за нивната лоша форма, според него кривицата е исклучиво во фудбалерите.

Јувентус сврза три порази во серија и во моментов е далеку од местата кои водат во Лигата на Шампионите, Старата Дама е во голема криза.
На Дел Нери му се одбројани деновите и повеќе од сигурно е дека тој нема да биде на клупата на Јувентус следната сезона, а нема да биде изненадување доколку добие отказ и по некое од наредните кола.

Српскиот фудбалер, Милош Красиќ вели дека кривицата за лошите резултати е во фудбалерите.

"Поминуваме низ тешка ситуација, но со вистинскиот дух можеме да ја пребродиме кризата бидејќи го имаме квалитетот" - изјави Красиќ за Sky Italia.

"Сите ние ја делиме одговорноста за овој момент. Секој клуб може да минува низ тежок момент, но со работа и тренинг можете да излезете од тоа".

"Само ние сме одговорни за кризата и ние треба да работиме заедно, проблемот е психолошки, и само така можеме да излеземе од ситуацијава".

Powered by: 24 FUDBAL.com.mk