Англија Менаџерот на Манчестер Јунајтед, Сер Алекс Фергусон соопшти дека ќе го обжали обвинението од Фудбалската Асоцијација за недолично однесување

ФА вчера потврди дека е покрената постапка против Сер Алекс Фергусон кој беше обвинет за недолично однесување поради критиките кои ги упати кон судијата Мартин Еткинсон по поразот на Манчестер Јунајтед на гостувањето кај Челзи.

Фергусон требаше да се изјасни по обвинението до вторник попладне но Шкотот реагираше експресно и ја обжали одлуката на ФА, и покрај фактот дека ќе добие подолга суспензија доколку се докаже вина.

“Манчестер Јунајтед може да потврди дека Сер Алекс Фергусон ќе го обжали обвинението од ФА за недолично однесување.” – гласеше соопштението на manutd.com.

Портпаролот на клубот за официјалната веб страна на ’Црвените Ѓаволи’ изјави: “Сер Алекс денеска одговори на обвинението од ФА и реши да негира дека се однесувал недолично.“
 
“Тој побара лично сослушување.”

Powered by: 24 FUDBAL.com.mk