Останато Феенорд потврди дека денеска со Интер ги потпишале документите за трансфер на 18 годишниот Лук Кастаигнос на Џузепе Меаца

Феенорд и Интер од поодамна начелно постигнаа согласност за преслба на младиот напаѓач во Милано, во трансфер за кој медиумите шпекулираат дека е вреден околу 3-4 милиони евра.

Клубот од Холандија на почетокот од оваа недела му дозволи на Лук Кастаигнос да замине во Милано каде што успешно ги помина лекарските тестови со актуелниот шампион на Италија и стави потпис на четиригодишен договор.

Феенорд со соопштение на својата официјална веб страна потврди дека денеска биле потпишани документите за трансферот на Лук Кастаигнос во Интер, кој ќе се реализира на 1ви јули 2011.

Откако се врати од Милано 18 годишниот напаѓач за feyenoord.nl рече: “Мојата посета на Интер беше навистина убаво искуство.”

“Во Милано веднаш забележав дека во Италија се се работи за фудбалот.”

“Ми приредиа топол пречек а потоа успешно ги поминав лекарските прегледи и ставив потпис на договорот во канцелариите на Интер.”

“Радосен сум и горд што следната сезона ќе бидам фудбалер на еден од најдобрите клубови во светот.”

“Сеуште не се сретнав со тренерот, но летоска ќе имам многу време за тоа.”

Кастаигнос важи за еден од поголемите таленти на европскиот фудбал и во последните неколку недели, Манчестер Јунајтед имаше неуспешни обиди да го украде напаѓачот од пред носот на Интер.

Powered by: 24 FUDBAL.com.mk