Англија Менаџерот на Манчестер Сити, Роберто Манчини признава дека неговите совети не допираат до Марио Балотели

Иако нема сомнеж за способностите на Балотели, напаѓачот беше критикуван за лошото однесување и ниското ниво на тимска работа уште во Интер, каде што Марио имаше неколку судири со тренерот Жозе Мурињо.

Сити минатото лето потроши околу 35 милиони евра за ангажман на ’Супер Марио’ и се чинеше дека Манчини ќе може да излезе на крај со 20 годишниот напаѓач, откако токму тој му даде шанса на Балотели да дебитира за Интер во 2007.

Но италијанскиот интернационалец се чини дека воопшто не е променет и покрај тоа што Манчини неколку пати јавно го повика да го подигне нивото на игра.

“Тој не ме слуша.” – призна Манчини. “Јас зборувам но мислам дека тој не ме слуша.”

Минатата недела, Балотели иако постигна погодок против Фулам, Манчини не беше задоволен од перформансите на напаѓачот, велејќи дека Марио требал повеќе да работи за тимот.

Сепак во средата на ФА Куп средбата со Астон Вила, Марио Балотели повторно се запиша во листата на стрелците а прикажа и многу подобри перформанси.

“Не е важно тоа што тој не ме слуша.”

“Она што е важно е тој да игра добро, да постигнува погодоци.”

“Но знам дека може да биде подобар бидејќи ги знам неговите квалитети.”

“Доколку сака, тој може да го промени секој натпревар. Може да постигнува погодоци на секој натпревар.”

“Се надевам, заради него но и заради нас, ќе може да го разбере ова многу брзо.”

Powered by: 24 FUDBAL.com.mk