Англија Карло Анчелоти вели дека победата над Манчестер Јунајтед ја враќа самодовербата кај неговите фудбалери, но смета дека бодовната разлика до врвот останува преголема.

Челзи синоќа го победи Манчестер Јунајтед во големото дерби но негативата зад Црвените Ѓаволи сеуште е превисока, 12 бода и натпревар помалку.
Анчелоти смета дека перформансите на неговиот тим оставаат јасна порака дека Сините се враќаат, но не верува дека тие имаат шанси за титулата.

"Сеуште сме во живот. Ова беа важни перформанси и подготвени сме да играме на нашето најдобро ниво. Фудбалерите покажаа одличен дух бидејќи не беше лесно да се вратите во таков натпревар" - изјави Карло Анчелоти по натпреварот.

"Имавме добри перформанси во Копенхаген. Никогаш не сме имале проблем со единството кај фудбалерите. Тие секогаш се заедно, во лоши и во добри моменти".

"Сеуште е далеку крајот, но оваа победа е важна за нас и нашата самодоверба. Не можеме да збориме за напаѓање на врвот во овој момент".

Powered by: 24 FUDBAL.com.mk