Италија Александре Пато вели дека Милан не размислува на Скудетото, мисли само на следниот натпревар, Јувентус.

Пато синоќа одигра фантастичен натпревар против Наполи, беше асистент при погодокот на Боатенг, а потоа и самиот со прекрасен гол се запиша во листата на стрелците.
Милан со победата над Наполи ја зголеми разликата на врвот, но Пато вели дека Росоњерите не размислуваат уште сега на Скудетото, сконцентрирани се на следниот натпревар, а тоа е големото дерби против Јувентус.

"Не размислуваме на Скудетото, фокусирани сме на нашиот следен натпревар против Јувентус" - вели Пато.

"Сакам да играм во овој тим. Тука има фантастични фудбалери, но тие не се мои соиграчи, тие се мои браќа".

"Среќен сум што одигравме одличен натпревар".

"Јас секогаш сакам да играм, но тренерот ги носи одлуките кои што тој мисли дека се најдобри за тимот и знам дека треба да работам напорно".

Powered by: 24 FUDBAL.com.mk