Шпанија Играчот од средниот ред на Барселона, Чави Ернандез вели дека има добри шанси за настап на средбата против Валенсија што ќе се одигра следната среда

Барселона вчера соопшти дека Чави ќе паузира од 7 до 10 дена откако фудбалерот заработил повреда на листот на ногата на средбата против Атлетик Билбао.
Со ваква дијагноза, под знак прашалник беше ставен настапот на Чави на гостувањето на Местаља.

Но на денешната прес-конференција, Чави изрази оптимизам околу можноста за настап на средбата против Валенсија што ќе се одигра следната среда.

“Се работи за ситна повреда.” – рече Чави. “Ќе видиме како ќе се опоравувам, но мислам дека ќе можам да настапам против Валенсија.”

За новиот договор кој утрово го потпиша Пеп Гвардиола, Чави рече: “Тоа е одлични вести за Пеп, за нас и за клубот. Ова се многу среќни моменти за Барселона.”

Powered by: 24 FUDBAL.com.mk