Англија Арсен Венгер вели дека Арсенал мора да го добие натпреварот против Стоук, победа е клучна за останување во трката за титулата во Премиер лигата.

Арсенал денеска игра заостанат натпревар од Премиер лигата, Топџиите на Емирати го пречекуваат тимот на Стоук.

Арсен Венгер е свесен за важноста на овој натпревар, Французинот вели дека ова е клучен дуел.

"Ова е многу важен натпревар за нас" - изјави Венгер за официјалната страна.

"Најдобар начин да се освои Премиер лигата е да се победува на натпреварите. Само тоа е важно".

"Доколку сакаме да го одржиме чекорот со Манчестер Јунајтед, нешто што го сакаме повеќе од се, овој натпревар е клучен".

"Дадовме многу во Премиер лигата, поминувавме низ многу тешки периоди и успевавме да се вратиме со таква еластичност".

Powered by: 24 FUDBAL.com.mk