Шпанија Утрово, Сандро Росел и Пеп Гвардиола ставија потписи на договорот според кој Гвардиола ќе го предводи тимот на Барселона до 30ти јуни 2012

Барселона од поодамна соопшти дека е постигната согласност со Пеп Гвардиола за продолжување на соработката до 30ти јуни 2012.

Новиот претседател на клубот, Сандро Росел беше желен Гвардиола да стави потпис на долгогодишен договор, но стратегот исто како и претходниот пат побара продолжување на верноста само за една година.

Откако Барса утрово го одработи својот тренинг, Пеп Гвардиола во придружба на својот агент Хосеп М. Оробитг се упати во канцелариите на клубот.

Таму, Сандро Росел и Пеп Гвардиола ставија свои потписи на документите со што се официјализираше новиот договор.

Гвардиола веќе двеипол години го предводи првиот тим на Баселона, период во кој Каталонците освоија 8 титули.

Ваквиот успех беше постигнат со негување на атрактивен фудбал, за што Блауграна добива големи пофалби.

Во меѓувреме, Sport објави дека Гвардиола одбил 22 милиони евра годишна плата од Катар со цел да го продолжи договорот со Барселона.

Powered by: 24 FUDBAL.com.mk