Лига на Шампиони Џон Тери вели дека сега Лигата на Шампионите е приоритет на Челзи и верува дека Сините имаат квалитет за да стигнат до самиот крај.

Челзи долго време е надвор од посакуваната форма, по елиминациите од англиските купови и големото заостанување зад Манчестер Јунајтед, единствена можност за спас на сезоната остана Лигата на Шампионите.
Џон Тери е свесен за тоа, Челзи денеска му гостува на Копенхаген, а капитенот верува дека Сините имаат капацитет да одат далеку во Лигата на Шампионите.

"Лигата на Шампионите е нашиот приоритет. Тешко е да го стигнеме Манчестер Јунајтед во лигата и покрај тоа што треба да играме два пати со нив, па фокусот треба да го ставиме на ова натпреварување" - вели Џон Тери.

"Имаме голем квалитет во тимот и со доаѓањето на Фернандо Торес и Давид Луиз (нема право на настап во ЛШ) ние сме уште посилни".

"Тешките моменти оваа сезона се дел од пакетот за станување фудбалер. Разочаран сум, но не се предаваме".

"Имаме самодоверба и ги имаме фудбалерите за борба на највисоко ниво, време е да се разбудиме".

"Нашата сегашна ситуација може комплетно да се промени доколку одиграме добро во Лигата на Шампионите".

"Ќе биде тешко против Копенхаген, тие се силни, ќе вршат притисок а и опасни се од контри, но ние сме гладни за успех и доколку одиграме онака како што треба ќе имаме шанси да го подигнеме трофејот на Вембли во мај".

Powered by: 24 FUDBAL.com.mk