Англија Фудбалерот од средниот ред на Манчестер Јунајтед, Андерсон би можел да биде два месеци во аут по повредата на коленото заработена на дуелот против Кроули Таун.

Бразилскиот фудбалер порано го напушти натпреварот од ФА Купот против Кроули Таун откако заработи повреда на коленото.
По синоќешниот скен, беше утврдено дека Андерсон има оштетен лигамент па може да биде подлежен и на операција.

Доколку Андерсон оди "под нож" тој би можел да биде во аут до средината од април, што би значело и сериозен удар за тимот на Сер Алекс Фергусон.

Џи Парк Сунг и Антонио Валенсија веќе се отсутни поради повреди, тоа значи дека Јунајтед ќе треба да се потпре на Дарен Флечер, Мајкл Карик и ветеранот Полс Сколс во наредните натпревари.

Powered by: 24 FUDBAL.com.mk