Англија Хери Реднап потврди дека постојат шанси Дејвид Бекам да се врати во составот на Тотенхем откако ќе истече договорот на фудбалерот со ЛА Галакси.

Бекам ги помина последните шест недели на тренинг со Спарс откако двата клуба не можеа да се договорат за краткорочна позајмица.
Престојот на англискиот интернационалец на Вајт Харт Лејн заврши вчера но Бекам би можел повторно да се пресели во Тотенхем во ноември кога неговиот договор со ЛА Галакси ќе истече.

Хери Реднап вели дака во моментов не размислувал за ваквата можност но со оглед на посветеноста што ја прикажувал Бекам на тренинзите менаџерот на Спарс е отворен за ангажман на фудбалерот.

Запрашан дали верува дека Бекам ќе биде заинтересиран за враќање во Тотенхем, Реднап рече: “Да, мислам дека тој ќе сака да види какви опции има и што ќе му донесе иднината.”

“Тој е зафатено момче, нековиот живот сигурно е незамислив, но кога имате момче кое сака да дојде тука и да тренира секој ден а може да се одмара дома цел месец, тоа доволно ви говори за него. Тој го сака фудбалот.”

“Одлично е тоа што тој беше дел од нас, тој е фраер од топ класа, навистина добро момче.”

“Бекам е добредојден во клубот во било кое време. Мислам дека ќе му донесеше додатен квалитет на тимот доколку настапуваше на позајмица.”

“Но кој знае? Не е невозможно тој да се врати тука во иднина. Бекам сеуште може да игра, сеуште може да направи одлично додавање.”

“Не сум размислувал за да го вратам во ноември – претседателот ќе треба да го разгледа тоа, не знам каква ќе биде финансиската страна од сето тоа – не би имал престава колку ќе чини тоа.”

Powered by: 24 FUDBAL.com.mk