Шпанија Пепе вели дека е среќен во Реал Мадрид и додава дека ќе стори се што може за да го продолжи престојот на Сантијаго Бернабеу

По паузата заради повреда, Пепе вчера на средбата со Еспањол повторно се врати во стартниот состав на Реал Мадрид и прикажа солидни перформанси.
Жозе Мурињо во неколку наврати нагласи дека Реал е многу посигурен кога во одбраната го има Пепе и ја повика управата на клубот да го обнови договорот на португалскиот интернационалец.


Пепе е под договор со Реал Мадрид до 2012 но се шпекулира дека Кралевите и дефанзивецот не можат да пронајдат заеднички јазик кога се во прашање финансиските услови под кои ќе се обнови соработката.

“Нема да говорам за обновувањето на договорот.” – рече Пепе. “Во моментов можам само да кажам дека сум многу среќен во Мадрид и луѓето ме третираат добро.”

“Ќе сторам се што можам за да останам.”

По вчерашната средба со Еспањол, генералниот директор на Реал, Хорке Валдано изјави дека напорите на клубот за обновување на договорот на Пепе бележат добар прогрес.

“Добро е што го слушам тоа.” – прокоментира Пепе со насмевка на лицето. “Но јас треба да ја завршам мојата работа долу на теренот.”

“Понуда од Барселона? Јас сум фудбалер на Реал Мадрид и би покажал непочитување кон луѓето од Мадрид доколку говорам на оваа тема.”

“Јас сум среќен во Мадрид.”

Powered by: 24 FUDBAL.com.mk