Останато Легендата на бразилскиот фудбал, Роналдо потврди дека ќе стави крај на својата фудбалска кариера

Се говори дека 34 годишниот напаѓач во текот на денот на прес-конференција официјално ќе соопшти дека става крај на кариерата.
Дека неговото време како фудбалер е изминато Роналдо навести во интервјуто дадено за Estadio de Sao Paulo.

За весникот ’Феноменот’ рече: “Повеќе не можам да издржам.”

“Сакам да продолжам, но не можам повеќе да играм. Мислам на одредена акција но не можам да ја изведам онака како што сакам. Време е да се пензионирам.”

“Телото ме боли. Срцето и главата ми велат да продолжам, но телото повеќе не може.”

Многумина веруваат дека Роналдо е еден од најдобрите напаѓачи што некогаш играле но Бразилецот ја немаше кариерата што сите ја посакуваа поради неколкуте страшни повреди.

Напаѓачот во својата кариера ги носеше дресовите на Барселона, Интер, Реал Мадрид и Милан.

Три пати ја доби наградата на ФИФА за Најдобар Фудбалер во Годината и постигна рекордни 15 погодоци на завршниците од Светските Првенства.

Powered by: 24 FUDBAL.com.mk