Франција Дефанзивецот на Марсеј, Таје Таиво најави дека по крајот на сезоната ќе го напушти Стад Велодром

Интернационалецот од Нигерија е под договор со Марсеј до јуни и затоа ќе може да се пресели во нов клуб како слободен агент.
Атлетико Мадрид минатото лето имаше неуспешен обид за ангажман на Таиво и се шпекулира дека ’Јорганџиите’ повторно ќе достават понуда до левиот бек.

Исто така се шпекулира дека и Манчестер Сити се приклучува во трката за потписот на 25 годишниот Таиво.

Самиот фудбалер за La Nation открива дека е во преговори но не е подготвен да го обелодени идентитетот на клубот.

Таиво рече: “Одлучив дека нема да го продолжам договорот со Марсеј. Во јуни ќе го променам клубот.”

“Не сакам да откривам со кого сум во преговори, но се работи за клуб кој игра во едно од трите големи Европски првенства.”

Powered by: 24 FUDBAL.com.mk