Шпанија Генералниот извршен директор на Атлетико Мадрид, Гил Марин вели дека Кун Агуеро никогаш нема да се пресели во Реал Мадрид...

Мигел Анхел Гил Марин неодамна откри дека Реал Мадрид во јануарскиот трансфер пазар доставил понуда до Атлетико Мадрид за услугите на Кун Агуеро.

Но ’Јорганчиите’ експресно до одбиле предлогот и покрај тоа што понудата изнесувала 45 милиони евра.

Се најавува дека Реал Мадрид по крајот на сезоната ќе достави нова понуда за услугите на аргентинскиот интернационалец но генералниот извршен директор на Атлетико Мадрид вели дека Агуеро никогаш нема да се пресели во Реал Мадрид.

Зборувајќи за програмата ‘El Larguero’ на Cadena Ser Гил Марин рече: “Ние (Атлетико), играчот и нековиот агент се сложивме дека Агуеро нема да се пресели во Реал Мадрид.”

“Плаќањето на откупната клаузула нема да помогне, бидејќи играчот не сака да замине и бидејќи Атлетико нема да го дозволи тоа.”

Powered by: 24 FUDBAL.com.mk