Италија Хавиер Пасторе вели дека не сака да седи на клупата за резерви во Барселона или Реал Мадрид па затоа преферира преселба во Јувентус...

Младиот плејмејкер важи за еден од најжешките таленти во светот на фудбалот и голем број на клубови се интересираат за неговите услуги.

Но во Палермо не сакаат да слушнат за негова продажба и претседателот на клубот со секој одминат ден поставува се повисока цена за услугите на аргентинскиот интернационалец (во последната изјава Мауруцио Зампарини рече дека Пасторе вреди 100 милиони евра).

Пасторе кој во моментов е во Женева во тренинг кампот на Аргентина за пријателската средба со Португалија, во разговор со новинарите откри дека преферира преселба во Јувентус а не во Барселона, Реал Мадрид, Интер или Милан.

“Јуве или Барса? Мојот приоритет е секогаш да играм.” – рече Пасторе.

“Јас би бил само дел од клупата за резерви во тимови како Барселона и Реал Мадрид, истото важи и за во Интер и Милан.”

“Тоа не ми одговара, па поради оваа причина би преферирал тим во кој ќе има повеќе простор за мене.”

“Можеби ќе зборуваме за ова кога ќе наполнам 28 години.”

Пасторе потоа продолжи: “Моето мислење за трансфер пазарот е исто како и секогаш. Потребно е да пораснам а Палермо е идеалното место за тоа.”

“Затоа планирам да останам тука уште неколку години.”

Денешните медиуми од Италија говорат дека Јувентус полека прави планови за засилување на офанзивниот департамн на тимот и Хавиер Пасторе котира високо на листата желби.

Старата Дама исто така ги разгледува и опциите за ангажман на Алексис Санчез од Удинезе и Нејмар од Сантос.

Powered by: 24 FUDBAL.com.mk