Шпанија Директорот на Барселона, Раул Санљехи вели дека во моментов Каталонците не планираат да достават нова понуда за капитенот на Арсенал, Цеск Фабрегас...

Изминатото лето, иднината на шпанскиот интернационалец беше мета на интензивни шпекулации откако Барселона се обиде да го врати Цеск на Камп Ноу и достави две официјални понуди.

Фабрегас јавно призна дека сонува за настап во клубот од неговото детство но Арсенал во ниту еден момент не сакаше да слушне за продажба на својот капитен.

Се најавува дека Каталонците по крајот на сезоната повторно на тест ќе ја стават одлучноста на Топџиите да го задржат Цеск но според директорот на Барселона, Раул Санљехи во овој момент зделката за Цеск е ’мртва’.

“Цеск е одличен фудбалер од Каталонија. Тој како дете играше за нас и ќе биде добредојден кога ќе се врати во Барселона за средбата од Лигата на Шампионите.” – рече Санљехи.

“Во моментов, кога е во прашање неговиот трансфер, се е мртво.”

Зборувајќи за средбата со Арсенал, Санљихи рече: “Арсенал е еден од главните предизвикувачи во Лигата на Шампионите.”

“Свесни сме дека не очекува тежок натпревар.”

Санљехи исто така открива дека Барселона е шокирана од трансфер сумата која Челзи ја плати за ангажман на Торес.

Директорот вели дека Каталонците никогаш не би платиле 50 милиони фунти за напаѓачот.

“Јас бев шокиран. Чувствував дека таа сума е превисока. Знам дека Барса немаше да направи таков трансфер.”

“Немаше да размислиме за нешто такво.”

Powered by: 24 FUDBAL.com.mk