Англија Според медиумите од Англија, Ливерпул и Њукасл имаат договор за трансфер на Енди Керол вреден 35 милиони фунту со што Фернандо Торес е поблиску до преселба во Челзи

Пред неколку часа, медиумите од Англија објавија дека Њукасл ја одбил понудата на Ливерпул вредна 30 милиони фунти за услугите на Енди Керол.
Кени Далглиш целеше кон ангажман на 22 годишниот Керол како замена за Фернандо Торес кој е на пат за преселба во Челзи.

Затоа ’Црвените’ доставиле нова понуда вредна 35 милиони фунти по што Њукасл решиле да се сложат на продажба на англискиот интернационалец, за кого претходно одбија понуда од Тотенхем вредна 25 милиони фунти.

Сепак целата трансфер операција не е комплетирана зошто се чека најпрво реализацијата на преселбата на Торес во Челзи која се очекува да биде вредна околу 50 милиони фунти.

Во овој последен ден од трансфер периодот Торес е името кое привлекуваше најголемо внимание и за кого се напишаа голем број шпекулации.

Најпрво се говореше дека Торес утрово го напуштил тренинг центарот на Ливерпул со хиликоптер и се упатил во непознат правец.

Потоа се шпекулираше дека Торес сепак не отпатувал со хиликоптер туку со автомобил заедно со својот агент заминал од тренинг центарот на Ливерпул.

Имаше најави дека шпанскиот интернационалец пристигнал во тренинг центарот на Челзи но исто така има и шпекулации кои велат дека Торес сеуште не отпатувал за Лондон.

Powered by: 24 FUDBAL.com.mk