Италија Според медиумите од Италија, Јувентус е пред ангажман на Алехандро Домингез од Валенсија а во во Торино би можел да се пресели и Алесандро Матри од Каљари

Иако сеуштенема официјално соопштение ниту од Јувентус ниту од Валенсија, медиумите од Италија пренесуваат дека Алехандро Домингез се сели во редовите на Старата Дама.
29 годишниот Аргентинец, кој има ЕУ пасош, ќе се пресели во Јувентус на позајмица до крајот на сезоната а летоска Бјанконерите ќе имаат можност да го направат трансферот перманентен.

Домингез откако се прослави во дресот на Рубин Казан, направи трансфер во Валенсија но на Местаља не успеа да се избори за место во тимот на Унаи Емери.

Јувентус исто така е во интензивни преговори и со Каљари за ангажманот на Алесандро Матри.

Неодамна заврши средбата помеѓу генералниот директор на Јувентус, Бепе Марота и претседателот на Каљари, Масимо Келино кои не сакаа да разговараат со медиумите.

Се говори дека Старата Дама инсистира да го добие Матри на позајмица до крајот на сезоната со опција за перманентен трансфер летоска за сума од околу 18 милиони евра иако Каљари преферира трансферот уште сега да биде перманентен.

Во меѓувреме, медиумите од Италија пишуваат дека Амаури е многу блиску до заминување од Јувентус за преселба во редовите на Парма.

Powered by: 24 FUDBAL.com.mk