Шпанија Кун Агуеро, кој го продолжи договорот до 2014, вели дека немал да стави потпис на нов договор со Атлетико Мадрид доколку сакал да замине од Висенте Калдерон
Аргентинскиот интернационалец на почетокот од овој месец постигна согласност со Атлетико Мадрид за продолжување на верноста до 2014.
Но дури денеска во ВИП собата на Висенте Калдерон, Атлетико Мадрид на прес-конференција за медиумите го соопшти новиот договор на Кун Агуеро.
Се шпекулираше дека Реал Мадрид, Челзи и Тотенхем доставиле мега понуди за Агуеро во јануарскиот трансфер период но играчот сега истакна дека тој никогаш не размислувал за заминување од Атлетико.
“Задоволен сум и среќен што останувам тука, се надевам дека ќе продолжам да играм за Атлетико уште многу години.” – рече Агуеро по официјалното соопштение за неговиот нов договор.
“Клубот секогаш ме третирал добро. Среќен сум тука и затоа сакав да го продолжам договорот. Ја ветив мојата верност за да го однесам клубот на повисоко ниво.”
Во новиот договор откупната клаузулата од 60 милиони евра е симната на 45 милиони евра со што се појавија шпекулации дека Атлетико се подготвува за продажба на Кун.
“Доколку сакав да заминам од Атлетико, немаше да го продолжам договорот, за 11 месеци слободно ќе можев да бирам каде да се преселам.”
“Но јас одбрав да го продолжам договорот зошто сакав да бидам тука.“
Кун исто така не сакаше да говори за понудите од Реал и Челзи: “Не е време да говорам за ова.”
“Секогаш сум велел, денот кога ќе одлучам да замина сам ќе ја донесам одлуката и за тоа ќе го известам клубот и моите агенти.“
“Денот кога ќе одлучам да заминам ќе кажам ’сакам да заминам’ и потоа ќе видиме што ќе се случи.”
Powered by: 24 FUDBAL.com.mk
