Италија Милан го потврди ангажманот на дефанзивецот на Еспањол, Дидак Вила откако играчот стави потпис на договор со трајност до 30ти јуни 2015

Иако неодамна беше ангажиран Емануелсон од Ајакс, Холанѓанецот не може да настапува во Лигата на Шампионите па Росоњерите продолжија со потрагата на лев бек.

Откако потпретседателот на клубот, Адриано Галијани вчера отпатува за Барселона медиумите од Италија во доцните вечерни часови соопштија дека Милан има договор со Еспањол за трансферот на левиот бек Дидак Вила

21 годишниот Шпанец е застапуван од Мино Раиола, истиот агент кој му помогна на Милан да ги ангажира Златан Ибрахимович, Робињо, Урби Емануелсон и Марк ван Бомел.
Милан сега и официјално го потврди ангажманот иако детали од зделката не беа откриени (се шпекулира дека Росоњерите на Еспањол му платиле околу 3 милиони евра).

“Милан може да соопшти дека го ангажираше играчот на Еспањол, Дидак Вила. Откако ги помина медицинските тестови, дефанзивецот стави потпис на договор со трајност до 30ти јуни 2015.” - гласеше соопштението на Росоњерите.

Powered by: 24 FUDBAL.com.mk