Англија Ливерпул потврди дека имаат договор со Ајакс за трансферот на Луис Суарез вреден 26,5 милиони евра

Ливерпул од почетокот на овој месец се обидуваше да го ангажира напаѓачот на Ајакс, Луис Суарез.

Клубот од Амстердам во прв момент ја одби понудата на Ливерпул вредна 15 милиони евра и беше побарано од ’Црвените’ да достават нова побогата понуда.

Вчера во Аместердам пристигна голема делегација на Ливерпул по што започна нова серија интензивни преговори.

Двете страни сега конечно успаа да пронајдат согласност откако ’Црвените’ се сложија да платат 26,5 милиони евра за трансферот на уругвајскиот интернационалец, кој сега треба да ги помине лекарските прегледи и да ги договори личните услови.

“Фудбалскиот Клуб Ливерпул може да соопшти дека попладнево е постигната согласност со Ајакс за трансфер на Луис Суарез вреден 26,5 милиони евра.“ – гласеше соопштението на Ливерпул.

“Клубот доби дозвола од Ајакс да разговара со Луис Суарез и неговите агенти со цел да се договорат личните услови.“

Powered by: 24 FUDBAL.com.mk