Останато Бенфика ја извести Берзата на Португалија дека добиле понуда од Челзи за услугите на Давид Луиз и преговорите помеѓу двата клуба се во тек

Синоќа се шпекулираше дека трансферот на Давид Луиз во Челзи нема да се случи и покрај тоа што на почетокот од неделава се веруваше дека дефанзивецот е на пат за Лондон.

Вчера Давид Луиз настапи за Бенфика на куп средбата со Рио Аве и по средбата тренерот Жорге Хесус изјави дека неколку клубови се интересираат за интернационалецот од Бразил.

“Неколку клубови се заинтересирани за Луиз но во моментов нема конкретна понуда.” – рече тренерот на Бенфика.

“Тој играше нормално без да превзема ризик и одигра извонреден натпревар.”

Но веќе утрово Бенфика ја извести Берзата на Португалија дека е добиена понуда од Челзи за услугите на Давид Луиз.

Бенфика во соопштението исто така открива дека преговорите помеѓу двата клуба се во тек и клубот од Португалија најавува ново соопштение веднаш штом биде познат исходот од преговорите.

Според медиумите од Португалија, Бенфика уште во саботата постигнала согласност со Челзи за трансферот на Давид Луиз но подоцна настанале недоразбирања околку начинот на плаќањето па затоа настанале проблеми при комплетирањето на зделката.

Powered by: 24 FUDBAL.com.mk