Англија Капитенот на Ливерпул, Стивен Џерард вели дека седмото место во Премиер лигата е неприфатливо за Црвените и инсистира дека тие треба да се подобрат.
Синоќешната победа над Фулам од 1-0, го искачи Ливерпул на седмата позиција, тоа е највисокото место на табелата за нив остварено оваа сезона.
Пред три месеци Ливерпул се наоѓаше во зоната за испаѓање, но под водство на Кени Далглиш се врати атмосферата во тимот.
Стивен Џерард вели дека седмото место не е доволно за клуб како Ливерпул, тој бара многу повеќе.
"Ние сакаме повеќе од седмо место, седмата позиција не е прифатлива за овој клуб" - вели Џерард.
"Доколку погледнете каде бевме пред седум недели, се разбира дека ќе бидеме среќни што сме седми".
"Но следен натпревар ни е Стоук и важно е да ја продолжиме оваа серија и да се обидеме да дојдеме до нови три бода и уште повеќе да се искачуваме на табелата".
"Не сме среќни со седмото место".
Стивен Џерард вели дека новите тренери кои дојдоа во тимот имаат влијание за подобрувањето на играта.
На Кени Далглиш во тимот му се приклучи, Стив Кларк, човекот кој му беше помошник на Жозе Мурињо додека Португалецот беше на клупата на Челзи.
"Тренингот е поразличен, различни тренери доаѓаат со различни идеи и различни методи".
"Тренингот во изминатите недели е се многу поголемо уживање и мислам дека тоа има влијание".
"Кај Волвс одигравме со повеќе слобода и момците беа супер".
Powered by: 24 FUDBAL.com.mk
