Англија Менаџерот на Тотенхем, Хари Реднап потврди дека Нико Крањчар може да си замине од Вајт Харт Лејн.

Хрватскиот интернационалец, Нико Крањчар не е задоволен од својот статус во Тотенхем, неговата минутажа оваа сезона е минимална.
Конкуренцијата во тимот е голема, а Крањчар не може да се избори за место во првиот тим.

Менаџерот на Тотенхем, Хари Реднап е свесен за желбата на Крањчар почесто да биде на теренот, па вели дека доколку дојде понуда за него, тој може да си оди.

"Нико сака да си замине. Разговарав синоќа со него и ми даде дознаење дека сака да игра. Но не сака да игра на десната страна. Не е среќен на таа позиција, која не му одговара. Сака да игра лево, но таму го имаме Герет Бејл кој игра фантастично и Нико го разбира тоа" - вели Реднап.

"Му реков 'Сфаќам дека сакаш да игра и доколку некој испрати понуда, можеш да си заминеш'. Доколку не пронајде тука добар клуб, ќе замине во друга земја. Мислам дека тоа ќе биде траен трансфер".

"Крањчар е одличен фудбалер, репрезентативец на својата земја кој даваше голови на последните натпревари, може да игра во најдобрите тимови".

Крањчар има само четири настапи за Тотенхем оваа сезона, од кои еднаш само еднаш како стартер.

Powered by: 24 FUDBAL.com.mk