Италија Италијанскиот интернационалец, Џиџи Буфон изрази желба да остане во Јувентус до крајот на животот

32 годишниот голман неодамна се врати на терените отако шест месеци беше надвор од стројот поради повреда на грбот.

Во разговор со Sky Sports 1 Џиџи Буфон истакна дека нема проблеми со тренерот Дел Нери и додаде дека неговата иднина лежи само во Јувентус.

“Демонстрацијата на огромната љубов кон мене од страна на фановите е нешто на кое неможете да останете рамнодушни.” – рече Буфон.

За време на рахабилитациониот процес, Буфон малку беше присутен во тренинг центарот на Јувентус по што се појавија шпекулации дека голманот не е во добар однос со тренерот Дел Нери и постои можност Џиџи да замине од Јувентус.

“Разговарав со Дел Нери често и дури се шегував со него.”

За можноста да се врати во репрезентацијата на Италија, Буфон додаде: “Кога има големи очекувања околу мене, вообичаено сакам да истапам и да ги понудам моите услуги.”

“Се надевам дека ќе го поминам преостанатиот дел од мојата кариера во Јувентус.”

Powered by: 24 FUDBAL.com.mk