Англија Стоук го комплетираше ангажманот на Џон Карју од Астон Вила на позајмица до крајот на сезоната 2010/2011

Интернационалецот од Норвешка мораше да побара нов предизвик откако Астон Вила го ангажираше Дарент Бент.

Со ограничена минутажа под водство на Жерард Улие, Џон Карју ја прифати опцијата да се пресели во Стоук.

31 годишниот напаѓач вчера беше на Британија Стадионот за да ги помине лекарските прегледи и да ги договори личните услови по што денеска беше комплетиран неговиот трансфер во Стоук.

“Стоук денеска го засили својот напад со ангажманот на Џон Карју од Астон Вила.” – гласеше соопштението на Стоук.

“31 годишниот напаѓач реши да се пресели во Стоук до крајот на сезоната 2010/2011 откако постигна согласност со клубот за позајмица од четири месеци.”

Менаџерот на Стоук, Тони Пулис рече: “Ова е фантастично засилување.”

“Успесите на Џон зборуваат сами за себе бидејќи тој постигнуваше погодоци на највисоко ниво во текот на целата кариера.”

Powered by: 24 FUDBAL.com.mk