Англија Сер Алекс Фергусон очекува Антонио Валенсија да се врати на терените кон крајот на следниот месец

Интернационалецот од Еквадор го скрши и дислоцираше скочниот зголб во септември на средба против Ренџерс во Лигата на Шампионите.

Првичните прогнози говореа дека сезоната за Валенсија е завршена но подоцна беше утврден рехабилитационен план според кој играчот требаше да се врати на терените кон почетокот на март.

На денешната прес-конферанција, Сер Алекс Фергусон истакна дека Валенсија добро се опоравува од повредата и играчот би можел да се врати на терените кон крајот на следниот месец.

Менаџерот на Манчестер Јунајтед рече: “На Валенсија му оди многу добро, започна со програмата за трчање.”

“Докторите дадоа зелено светло, па тој сега е под наша комплетна контрола и тоа се одлични вести.”

“Мислам дека кон финишот на февруари тој ќе може да се врати во првиот тим и тоа ќе биде голем плус за нас.”

Powered by: 24 FUDBAL.com.mk