Италија Адриано Галијани вели дека Рето Циглер и Доменико Кришито нема да се преселат во Милан во јануари

Потпретседателот на Росоњерите изјави дека поради неможноста да се пронајде договор со Сампдорија односно Џенова, Милан нема да ги ангажира Циглер и Кришито во јануари.

Медиумите од Италија шпекулираа дека лидерот во Серија А се обидува да ја засили левата бековска позиција па затоа Милан започна преговори со Сампдорија и Џенова за трансферот на Циглер односно Кришито.

“Кришито и Циглер? Мислам дека ниту еден од нив нема да дојде во Милан.” – рече Галијани.

“Кај двајцата фудбалери, поради различни причини не можеме да постигнеме согласност околу економскиот дел од трансферот.”

“Исто така и за Лацари не можеме да постигнеме согласност околу еконмскиот дел.”

“Но можно е до крајот на трансфер периодот да ангажираме некого доколку ни се укаже можност за тоа. Доколку не ни се укаже можност ќе продолжиме со овој состав.”

“Трампа Бонера за Гросо? Апсолутно не.”

Powered by: 24 FUDBAL.com.mk