Англија Роберто Манчини вели дека Ромелу Лукаку е добар фудбалер но во моментов Манчестер Сити не се обидува да го ангажира тинејџерот

17 годишниот напаѓач на Андерлехт важи за еден од најголемите таленти во светот на фудбалот и се поврзува со голем број на топ клубови, помеѓу кои Челзи, Манчестер Јунајтед и Милан.

Денеска се појавија шпекулации кои велеа дека и Манчестер Сити се приклучува во трката за Лукаку и сториите говореа дека ’Граѓаните’ се фаворити за потписот на интернационалецот од Белгија.

Роберто Манчини признава дека Лукаку е добар фудбалер но додава дека во моментов тие не се обидуваат да го ангажираат напаѓачот.

Менаџерот на Манчестер Сити рече: “Лукаку е добар и се работи за малд фудбалер.”

“Можеби во иднина нешто ќе се случи но во моментов, не.”

Неколку фудбалери на Сити се поврзуваат со заминување од Истлендс во јануари, како што се Емануел Адебајор, Жо и Шон Рајт Филипс.

Но Манчини вели дека нема прогрес околу можните заминувања.

“Имаме уште десет дена.” – продолжи Манчини.

“Можно е нешто да се случи но во овој момент нема никаков прогрес.”

Powered by: 24 FUDBAL.com.mk