Англија Челзи потврди дека Френк Лампард има ситна повреда на листот на ногата но се очекува фудбалерот да биде фит за средбата со Болтон

Англискиот интернационалец утрово замина на детални прегледи откако доби удар на вчерашниот тренинг.

Веднаш се појавија стравувања дека Лампард повторно ќе биде подолго време надвор од теренот откако играчот претходно паузираше триипол месеци.

Но резултатите од тестовите се охрабрувачки и Сините преку својата официјална веб страна потврдија дека Лампард има само ситна повреда на листот на ногата.

Состојбата на 32 годишниот фудбалер од средниот ред ќе биде мониторирана во следните неколку дена.

Од таборот на Челзи очекуваат Лампард, кој ги одигра сите минути на последните шест натпревар, сепак да биде фит за средбата со Болтон во понеделник навечер.

Powered by: 24 FUDBAL.com.mk