Германија Спортскиот директор на Борусија Дортмунд, Михаел Цорк вели дека наскоро ќе бидат започнати преговори со Шинји Кагава за продолжување на договорот

Интернационалецот од Јапонија пред почетокот на сезоната пристигна во Дортмунд и со извонредните игри кои ги прикажува го привлече вниманието на многу гиганти ширум Европа.

Се шпекулира дека Манчестер Јунајтед е најзагреан за Шинји Кагава но Борусија Дортмунд нема намера да го продаде 21 годишниот плејмејкер.

Во интервју за Bild спортскиот директор на Борусија Дортмунд, Михаел Цорк истакна дека тие наскоро ќе започнат преговори со Кагава за продолжување на договорот кој истекува во 2013.

“Шинји има договор до 2013. Сепак, ние сакаме играчот да стави потпис на нов долгогодишен договор.” – рече Цорк.

“Кога ќе се случи тоа? Нема да избрзуваме и да креваме паника само поради тоа што се шпекулира дека Манчестер Јунајтед се интересира за играчот.”

“Но планираме да започнеме преговори со Шинји и неговиот агент во блиска иднина.”

“Што го прави Кагава толку многу посакуван? Неговото темпо, неговата техника и одличниот финиш го прават навистина специјален.”

“Веќе има постигнато осум погодци и наместено уште неколку. Тоа е прекрасна статистика.”

Според медиумите од Англија, од таборот на Дортмунд му порачале на Манчестер Јунајтед дека Кагава, за кого тимот од Бундеслигата плати само 350 000 евра, сега чини 24 милиони евра.

Powered by: 24 FUDBAL.com.mk