Англија Според Daily Mail, Свен Горан Ериксон се обидува да го донесе Тиери Анри на позајмица во Лестер Сити.

Англискиот весник објавува дека Ериксон контактирал со Анри за негова привремена преселба во Лестер.

Анри кој во моментов тренира со Арсенал, е под договор со Њујорк Ред Булс, но во МЛС има пауза па Французинот го оддржува својот фитнес.

Ериксон е очаен да донесе големо име, име кое ќе биде познато и во Тајланд од каде се сопствениците на Лестер.

Тој најпрво се обиде да го донесе Дејвид Бекам но имаше два неуспешни обиди, потоа се интересираше и за Роке Санта Круз и Роби Кин, но и тоа пропадна.

Швеѓанецот во овој преоден рок успеа да го договори фудбалерот на Евертон, Јакубу кој во Лестер ќе зима плата од 45 000 фунти неделно, но тоа не е доволно големо име.

Финансиите за сопствениците на Лестер не се проблем, па тие се подготвени богато да го наградат Анри за краток престој во овој клуб.

Новата сезона во МЛС започнува на 19 март, па доколку Лестер успее да го донесе Анри тоа ќе биде големо засилување за нив кои се борат за пласман во плејофот за влез во Премиер лигата.

Напаѓачот ќе може да одигра 10 натпревари, Лестер во моментов е на шест бода до плеј оф местата, но имаат голем напредок откако Ериксон седна на клупата, претходно беа во зоната за испаѓање.

Powered by: 24 FUDBAL.com.mk