Италија Агентот на Гастон Рамирез вели дека Интер веќе е во контакт со Болоња за можен трансфер на интернационалецот од Уругвај

Медиумите од Италија објавија дека Интер е во обид да го ангажира Гастон Рамирез.

Се шпекулираше дека интернационалецот од Уругвај бил тема на разговор кога по средбата помеѓу Интер и Бољоња во саботата се сретнале преставници на двата клуба.

Во интервју за Fcinter1908.it агентот на Рамирез, Винченцо Д’Иполито потврди дека двата клуба оствариле контакт.

Д’Иполито исто така вели дека неговиот клиент вреди околу 15 милиони евра.

“Можам да потврдам дека Болоња и Интер разговараа и имаше контакт помеѓу двата клуба.” – рече Д’Иполито.

“Секако дека Рамирез би бил заинтересиран за преселба во Интер. Секој фудбалер сака да го достигне максимумот во својата кариера.”

“За него Интер е најдобриот во светот на фудбалеот и Рамирез би сакал да го носи дресот на Нероаѕурите.”

“Не знам колку Болоња го вреднува фудбалерот, но како експерт можам да кажам дека Гастон вреди околу 15 милиони евра.”

Powered by: 24 FUDBAL.com.mk