Англија Роберто Манчини очекува Роке Санта Круз и Шон Рајт Филипс да заминат од Манчестер Сити во обид да си обезбедат поголема минутажа

Откако Вејн Бриџ замина во Вест Хем, медиумите од Англија шпекулираат дека пред напуштање на Манчестер Сити се и Роке Санта Круз и Шон Рајт Филипс.

Се говори дека Санта Круз е многу блиску до враќање во Блекбурн и Роберто Манчини го потврди тоа.

Запрашан дали интернационалецот од Парагвај ќе биде позајмен на Блекбурн, менаџерот на ’Граѓаните’ за Sky Sports News рече: “Најверојатно.”

“Роке и Шон Рајт Филипс се наоѓаат во иста ситуација. Тие се добри фудбалери но секој фудбалер сака да игра и, за мене, тоа е тешко.”

“Ја разбирам нивната ситуација многу добро, и доколку во друг клуб им се укаже можност да играат постојано, тоа е подобро за нив.”

“Шон има две или три опции, но сакаме да почекаме бидејќи доколку загубиме три или четири фудбалери можно е да имаме недостаток во подоцнежниот период од сезоната.”

Мануел Адебајор исто така се поврзува со заминување од Истлендс но Манчини вели дека новата повреда на Марио Балотели може да придонесе интернационалецот од Того да остане во клубот.

“Ситуацијата на Ману е поинаква па потребно е да почекаме.” – продолжи Манчини.

“Мислам дека многу тимови го посакуваат Ману, но тој е поинаков тип на фудбалер во овој момент и мислам дека е подобро доколку почекаме и видиме каква е повредата на Марио.”

“До крајот на овој месец има уште многу време.”

Powered by: 24 FUDBAL.com.mk