Англија Арсен Венгер одби да коментира на гласините дека дефанзивните проблеми сака да ги реши со ангажман на Метју Апсон.

Арсенал има проблеми со повредени фудбалери во дефанзивата откако Себастијан Скилачи му се приклучи на Томас Вермален надвор од теренот.

Проблемите во дефанзивата беа повеќе од видливи на синоќешниот натпревар против Ипсвич кој Арсенал го загуби со 1-0.

Гласините велат дека дефанзивецот на Вест Хем, Метју Апсон е цел на Венгер, но францускиот тренер одби да ја потврди оваа информација, но не ни демантираше.

"Имаме само двајца централни дефанзивци и имаме кусок од фудбалери на оваа позиција, но не сакам да зборувам за конкретни имиња" - изјави Венгер по синоќешниот натпревар.

Венгер добро ги познава квалитетите на Апсон, бидејќи во 1997 тој од Лутон го донесе во Арсенал од каде во 2003 се пресели во Бирмингем, дефанзивецот на Вест Хем има 35 настапи за Топџиите.

Powered by: 24 FUDBAL.com.mk