Англија Според The Guardian, Ливерпул е подготвен да одвои 10 милиони фунти за талентираниот 17 годишен Алекс Окслејд Чемберлејн од Саутемптон

Офанзивниот играч од средниот ред на Саутемптон е споредуван со Тео Волкот, кој исто така излезе од младинската школа на ’Светците’.

Но според многумина од таборот на Саутемптон, како и според скаутите на Ливерпул, Окслејд-Чемберлејн важи за поголем талент отколку што беше Тео Волкот на негови години.
Па затоа гигантите од Премиер Лигата се желни да го видат Алекс Окслејд-Чемберлејн во своите редови и според The Guardian Ливерпул е подготвен да одвои 10 милиони фунти.

Весникот вели дека Арсенал е главниот конкурент во трката за потписот на талентираниот англиски репрезентативец до 18 години но најверојатно и Манчестер Јунајтед ќе направи обид за ангажман на Окслејд- Чемберлејн.

Се говори дека директорот за фудбал на Ливерпул, Демиан Комоли и менаџерот на Манчестер Јунајтед, Сер Алекс Фергусон вчера ја следеле средбата помеѓу Саутемптон и Олдам и добро внимавале на високо ценетиот Окслејд- Чемберлејн.

Тотенхем и Челзи исто така се споменуваат како заинтересирани клубови за услугите на 17 годишниот талент на Саутемптон.

Powered by: 24 FUDBAL.com.mk