Останато Според португалскиот весник Record, Реал Мадрид е многу блиску до ангажман на левиот бек на Бенфика, Фабио Коентрао

Португалскит интернационалец важи за еден од најнадежните леви бекови и минатото лето силно се поврзуваше со преселба во Баерн Минхен.
Коентрао исто така е мета и на Милан и Ливерпул но според Record, левиот бек е многу блиску до преселба во Реал Мадрид.

Весникот, повикувајќи се на извори блиску до зделката, објави дека Реал и Бенфика имаат џентлменски договор според кој Бенфика ќе треба да ги одбие сите понуди за услугите на Фабио Коентрао и по крајот на сезоната да започне преговори со тимот од Мадрид.

Клучна фигура во целиот процес – исто како што беше и при трансферот на Ди Мариа во Мадрид минатото лето – ќе биде Жорге Мендес, агентот на Жозе Мурињо и Фабио Коентрао.

Record додава дека ’Специјалниот’ не е задоволен од тоа како Марсело ги исполнува задачите па затоа побарал од управата на Реал Мадрид на Сантијаго Бернабеу да пристигне неговиот сонародник Коентрао.

22 годишниот Коентрао има уште пет години од договорот со Бенфика и актуелниот шампион на Португалија го вреднува играчот на околку 30 милиони евра.

Powered by: 24 FUDBAL.com.mk