Англија Менаџерот на Тотенхем, Хари Реднап вели дека Дејвид Бекам нема да биде во комбинација за дуелот со Јунајтед дури и деновиве да потпише со Спарси.

Бекам тренира со Тотенхем, а клубот се обидува да најде заеднички јазик со ЛА Галакси за позајмица на фудбалерот додека трае паузата во МЛС.
Сеуште е неизвесно дали Бекам ќе потпише за Тотенхем, одговор на ова прашање се очекува во наредните денови.

Каков и да биде исходот, Хари Реднап вели дека Бекам нема да биде во комбинација за неделниот натпревар против неговиот поранешен клуб Манчестер Јунајтед.

"И да потпише за нас, Дејвид Бекам нема да биде стартер против Манчестер Јунајтед" - вели Реднап.

"Тој сеуште не е фит за настап и тој го знае тоа. Ќе му бидат потребни неколку недели за да го достигне нивото потребно за натпреварување".

"Бекам има големо искуство, и без разлика колку добро играте во вториот дел од сезоната кога настапувате и во Лигата на Шампионите и во Премиер лигата, искуството ви е потребно".

Powered by: 24 FUDBAL.com.mk