Англија Роберто Манчини е загрижен за Марио Балотели откако напаѓачот ќе паузира четири недели поради повреда на коленото

Балотели најпрво се повреди на своето деби за Манчестер Сити против Тимишоара во август. 20 годишниот напаѓач потоа беше приморан да замине на операција поради која паузира два месеци.

Супер Марио сега има исти проблеми поради кои не е во составот на ’Граѓаните’ од 28ми декември кога постигна хет-трик на средбата со Астон Вила.

Роберто Манчини откри дека лекарскиот тим на Манчестер Сити го советувале Балотели да паузира четири недели и дури потоа да започне со тренинзи во обид проблемите да исчезнат.

Менаџерот на Сити рече: “Коленото на Марио не е добро. Во овој момент не знам дали тој ќе замине на нова операција но мора да паузира од три до четири недели.”

“Марио сега ќе одмара и ќе добива третман па подоцна ќе започне со тренинзи. Се надевам дека тогаш се ќе биде ОК.”

“Но се работи за истото колено и јас сум загрижен бидејќи е чудно тоа што имаше операција и сега, по два месеци откако се врати на терените, одново има проблем.”

“Загрижен сум бидејќи никогаш не очекував дека тој ќе треба да паузира уште четири недели, особено не во ваков важен период од сезоната кога треба да играме многу важни натпревари.”

Powered by: 24 FUDBAL.com.mk