Шпанија Ѕвездата на Барселона, Лионел Меси ја доби престижната награда Златна Топка.

Аргентинскиот фудбалер, Лео Меси ја доби Златната Топка за која конкурираа уште неговите соиграчи Чави и Андрес Иниеста.

Меси кој во 2010 година постигна вкупно 60 погодоци за Барселона и својата земја ја доби престижната награда која ја доделуваат ФИФА и France Football.

"Да бидам искрен не очекував да победам денеска, веќе беше одлично тоа што сум тука со моите двајца соиграчи" - изјави Меси.

"Тоа што победив го прави овој момент уште попосебен. Сакам ова да го споделам со моите пријатели, мојата фамилија, сите Барселонисти и Аргентинци".

За изборот гласаа новинари од признати светски спортски медиуми како и тренерите и капитените на националните тимови.

Откако изненадувачки Снајдер беше исфрлен од игра, многумина сметаа дека Иниеста или Чави ќе ја добијат наградата поради освоеното Светско Првенство со Шпанија, но тоа не се случи, таа му припадна на Лео Меси.

Powered by: 24 FUDBAL.com.mk