Италија Масимо Морати вели дека Интер нема да го ангажира Алексис Санчез од Удинезе

Утрово медиумите од Италија објавија дека Интер се подготвува за атак кон услугите на Алексис Санчез откако агентот на играчот пристигнал во Милано.

Се најавуваше дека Нероаѕурите на Удинезе ќе му понудат 20 милиони евра и услугите на младиот Оби со цел да стигнат до интернационалецот од Чиле.

Но претседателот на Интер, Масимо Морати вели дека Алексис Санчез нема да се пресели на Џузепе Меаца.

“Мислам дека Алексис Санчез нема да се пресели во Интер.” – рече Морати.

Единсон Кавани, кој вчера постигна хет-трик против Јувентус, исто така беше цел на Интер но напаѓачот на крајот заврши во Наполи.

Запрашан дали жали зошто не го ангажирал интернационалецот од Уругвај, Морати рече: “Секогаш постои жалење кога се во прашање добри фудбалери, но не можете сите да ги ангажирате.”

Powered by: 24 FUDBAL.com.mk