Англија Портпаролот на Дејвид Бекам вели дека англискиот интернационалец ќе се врати во Европа само на краткорочна позајмица

Бекам посакува во овој период, кога во МЛС шампионатот е паузата помеѓу две сезони, да го напушти ЛА Галакси и да се врати во Европа во обид да му се наметне на селекторот на Англија, Фабио Капело.

Менаџерот на Тотенхем, Хери Реднап потврди дека тие се во преговори за ангажман на Бекам и индицираше дека тие посакуваат по позајмицата, Бекам да остане на Вајт Харт Лејн на перманентен трансфер.

Но според портпаролот на Бекам, ЛА Галакси ќе дозволат Англичанецот да се врати во Европа само на краткорочна позајмица.

“Во моментов ја чекаме одлуката на ЛА Галакси во врска со преселбата на позајмица.” – рече портпаролот на Бекам.

“Позајмицата ќе биде краткорочна, до стартот на сезоната во МЛС. Дејвид потоа ќе се врати во Лос Анџелес и ќе одигра цела сезона со Галакси.”

“Тотенхем е еден од многуте заинтересирани клубови но сеуште не сме влегле во напредна фаза од преговорите со оглед на тоа дека ја чекаме одлуката на ЛА Галакси.”

Powered by: 24 FUDBAL.com.mk