Англија Според пишувањата на Hamburger Morgenpost Ливерпул е пред ангажман на Елјеро Елиа

Холандскиот интернационалец се пресели во Хамбургер во 2009 и прикажува добри перформанси со кои го привлече вниманието на неколку клубови помеѓу кои и Јувентус.

Според извештаите кои пристигнуваат од Германија, Елјеро Елиа сега е многу блиску до преселба во Ливерпул.

Hamburger Morgenpost објави дека од таборот на Хамбургер веќе ја прифатиле понудата на Ливерпул за Елиа вредна 15 милиони евра (13 милиони фунти).

Се шпекулира дека самиот Елиа е желен за преселба на Енфилд со оглед на тоа дека во последно време не е дел од стартниот тим на тренерот Армин Вех.

Сепак ваквите натписи не се потврдени од официјални лица од екипата на Хамбургер кои инсистираат дека сеуште немаат добиено официјална понуда за услугите на Елиа, кој во моментов е во Дубаи на подготовки со тимот.

Но се говори дека ХСВ е подготвен за продажба на Елиа доколку пристигне соодветна понуда.

Powered by: 24 FUDBAL.com.mk