Италија Екипата на Интер го потврди перманентниот трансфер на Андреа Ранокиа од Џенова, кој стави потпис на четириипол годишен договор

Нероаѕурите на почетокот од оваа сезона купија 50% од сопственоста на Ранокиа и го оставија дефанзивецот да остане во Џенова до крајот на сезоната.

Но повредата на Валтер Самуел го принуди Интер да ги промени плановите и да се обиде да го донесе дефанзивецот на Џузепе Меаца уште во јануари.

Затоа актуелниот шампион на Италија минатата недела постигна договор со Џенова за купување и на преостанатите 50% од сопственоста на Ранокиа, кој потоа доби дозвола да се појави на првиот тренинг на Леонардо во Интер на 29ти декември.

Откако утрово целата документација беше доставена до Лига Серија А, Интер и официјално го потврди ангажманот на Ранокиа.

“Андреа Ранокиа официјално е фудбалер на Интер.” – гласеше соопштението на Нероаѕурите.

“Интер утрово ги достави документите до Лига Серија А за перманентен трансфер на Андреа Ранокиа од Џенова.”

“Дефанзивецот стави потпис на договор со Интер во трајност до јуни 2015. Тој ќе го носи дресот со бројот 15.”

Интер не отрки колкава сума платил за ангажманот на Ранокиа но медиумите од Италија од претходно најавија дека италијанскиот интернационалец ќе ги чини Нероаѕурите околу 18 милиони евра (6 милиони платени во август за 50% од сопственоста на Ранокиа и 12 милиони евра платени во јануари за преостанатите 50% од сопственоста).

Powered by: 24 FUDBAL.com.mk