Италија Агентот на Фредерико Македа потврди дека неговиот клиент ќе се пресели во Самдорија како позајмен фудбалер од Манчестер Јунајтед.

Надежниот напаѓач на Јунајтед, Фредерико Македа ќе замине на позајмица во Сампдорија.

Италијанскиот фудбалер сеуште е далеку од првиот тим на Црвените Ѓаволи па ќе замине на калење во родната Италија.

Неговиот агент информира дека е постигнат договор за позајмица во Сампдорија, недостасуваат уште формалности за трансферот да биде официјализиран.

"Единствената работа која недостасува се формалностите" - изјави агентот Џовани Биа за Sky Italia.

"Се надевам дека се ќе биде завршено вечерва па тој ќе може да игра од недела".

"Договорот треба да биде склучен на шест месеци, Манчестер Јунајтед ќе ги прати неговите игри и дополнително ќе одлучи дали позајмицата ќе биде продолжена на уште една година".

"99% е сигурно дека тој ќе се врати назад во Манчестер Јунајтед".

"Мислам дека Алекс Фергусон го сака назад бидејќи во Македа гледа голем европски талент".

Powered by: 24 FUDBAL.com.mk